Manchester Yunayted jamoasi transfer oynasi yopilishidan oldin yana uchta bitimni amalga oshirishni rejalashtirmoqda. Bu haqida Euro-football.ru xabar berdi.
Klub rahbariyati yangi yarim himoyachini xarid qilish masalasini jiddiy ko‘rib chiqmoqda. Bu haqda taniqli sport jurnalisti Fabrizio Romano xabar berdi.
Shuningdek, ichki yig‘ilishlarda markaziy hujumchi va darvozabonni ham tarkibga qo‘shish bo‘yicha muzokaralar olib borilmoqda. Joriy yozgi transfer mavsumida Ruben Amorim boshchiligidagi jamoa allaqachon ikki yangi futbolchi bilan kuchaydi.
Ular – Mateus Kun’ya (Vulverhempton) va Brayan Mbeumo (Brentford) bo‘lib, ushbu futbolchilarni xarid qilish Manchester Yunaytedga qariyb 150 million yevroga tushdi. O‘tgan mavsumda Manchester Yunayted Angliya Premer-ligasida 15-o‘rinni egalladi.
Shu sababli, klub kelasi mavsum Yevropa musobaqalarida ishtirok eta olmaydi. Klub rahbariyati tarkibni kuchaytirish va keyingi mavsumda yuqori natijalarga erishish uchun faol harakat qilmoqda.
Yangi futbolchilarni jalb qilish orqali jamoa oldingi o‘rinlarga qaytishni maqsad qilgan.
