Syomin: Rossiya futboli muammosi o‘quv tizimida
Mashhur o‘zbekistonlik murabbiy Yuriy Syomin Rossiya futbolidagi asosiy muammo nimada, degan savolga javob berdi. Bu haqida Euro-football.ru xabar berdi.
Uning fikricha, bu muammoning ildizi futbolchilarni tayyorlash darajasida, ya’ni maktab va akademiyalardagi o‘quv jarayoniga bog‘liq. Syominga ko‘ra, avvalo murabbiylarga, akademiyalardagi mashg‘ulot dasturlariga va o‘quv jarayonining o‘ziga jiddiy e’tibor qaratish lozim.
U shuningdek, Rossiyada iste’dodli futbolchilar paydo bo‘layotganini, biroq ko‘p hollarda ular o‘z salohiyatini to‘liq namoyon eta olmasligini ta’kidladi. Syomin futbol rivojiga to‘sqinlik qilayotgan yana bir omil sifatida rossiyalik klublarning xalqaro musobaqalardan chetlatilganini ham qayd etdi.
Uning aytishicha, bu holat tomoshabop va muhim o‘yinlar sonining kamayishiga olib keladi. Ma’lumot uchun, 2022 yil fevral oyida FIFA va UEFA rahbarlari Rossiya klublari hamda milliy terma jamoasiga xalqaro musobaqalarda ishtirok etishni taqiqlagan edi.
Shu sababli, Rossiya futboli hozirda xalqaro maydonda qatnasha olmayapti va bu esa sportchilarning o‘sishiga salbiy ta’sir ko‘rsatmoqda. Mutaxassislar fikricha, ushbu cheklovlar futbolning yanada rivojlanishiga xalaqit bermoqda.
