PSJ darvozaboni Janluiji Donnarumma jamoaning asosiy tarkibidagi o‘rni borasidagi noaniqlikdan norozi. Bu haqida Euro-football.ru xabar berdi.
RMC Sport ma’lumotiga ko‘ra, italiyalik posbon klub tomonidan yangi darvozabon tez orada jamoaga qo‘shilishi haqida ogohlantirilgani bois ranjigan. Tez orada PSJ tarkibini Lyuka Shevalye to‘ldirishi kutilmoqda.
Donnarumma 2024-2025 yilgi mavsumda jamoa bilan yaxshi natijalarga erishganidan so‘ng zaxirada o‘tirishni istamayapti. Joriy mavsumda PSJ to‘rt muhim sovrinni qo‘lga kiritdi.
Klub Fransiya chempionati, Fransiya kubogi, Fransiya superkubogi va Chempionlar ligasida g‘olib bo‘ldi. Janluiji Donnarummaning PSJ bilan amaldagi shartnomasi 2026 yil o‘rtalariga qadar mo‘ljallangan.
Matbuot xabarlariga ko‘ra, tomonlar o‘rtasida shartnomani uzaytirish bo‘yicha muzokaralar qiyin kechmoqda. Shu sababli futbolchining kelajagi borasida savollar paydo bo‘lmoqda.
Klub rahbariyati esa yangi darvozabon bilan kelishuv ishlarini boshlab yuborgan.
