O‘zbekistonlik tajribali murabbiy Rinat Bilaletdinov “Spartak” jamoasi bosh murabbiyi Dejan Stankovichning so‘zlariga o‘z munosabatini bildirdi. Bu haqida Euro-football.ru xabar berdi.
Ma’lumki, “Spartak” jamoasi “Baltika”ga yirik hisobda mag‘lub bo‘lgach, Stankovich jamoaning holati haqida gapirib, charchaganini va sog‘ligi borasida xavotirga tushayotganini aytgan edi. Rinat Bilaletdinov bu holatga izoh berar ekan, Stankovich boshqa narsani nazarda tutganini ta’kidladi.
Uning so‘zlariga ko‘ra, televidenie orqali ham futbolchilarning ko‘zlarida turli holatlarni ko‘rish mumkin: ba’zilar hayratda, ba’zilar g‘azablangan, boshqalar esa befarq. Shuningdek, ayrim futbolchilarda charchoq alomatlari sezilmoqda.
Bu charchoq umidsizlik yoki tushkunlik emas, balki hozirgi holatdan charchashdir. Bilaletdinovning qo‘shimcha qilishicha, “Spartak” jamoasi hali ham o‘tgan yilgi bahorgi chempionatdagi muvaffaqiyatsizliklarni to‘liq unutmagan va bu holat futbolchilarning o‘yinida sezilmoqda.
Ayni paytda Moskvaning “Spartak” jamoasi turnir jadvalida 10-o‘rinda bormoqda va uch ochko jamg‘argan.
