Spartak Djikuni sotib olishda qiyinchilikka duch keldi

Spartak futbol klubi himoya chizig‘ini kuchaytirish uchun yangi futbolchi bilan shartnoma imzolash ustida ish olib bormoqda. Bu haqida Euro-football.ru xabar berdi.

So‘nggi kunlarda Moskvaning bu klubi Turkiyaning Fenerbahche jamoasida to‘p surayotgan Aleksandr Djikuga qiziqish bildirmoqda. Olingan ma’lumotlarga ko‘ra, 30 yoshli Djikuga faqat Spartak emas, balki Fransiyaning uchta klubi ham qiziqish bildirmoqda.

Biroq, aynan qaysi jamoalar futbolchini o‘z tarkibida ko‘rishni istayotgani ochiqlanmagan. Muhimi shundaki, Djikuning o‘zi faoliyatini Fransiyada davom ettirishni ustuvor deb biladi.

Shu sababli, Spartak uchun bu futbolchini o‘z safiga qo‘shib olish oson bo‘lmasligi mumkin. Fenerbahche klubi Djikuni sotishga tayyor va bu transferdan 6 million yevro daromad olishni istamoqda.

Eslatib o‘tamiz, Aleksandr Djiku avvalroq Fransiyaning Bastiya, Kan va Strasburg klublarida ham o‘ynagan. Shu bois, futbolchining Fransiyaga qaytishni afzal ko‘rishi tabiiy hol deb baholanmoqda.

Spartak esa muzokaralarni davom ettirmoqda.