Madridning Real futbol klubi o‘tgan mavsumda jamoada kuzatilgan ko‘plab jarohatlar sabab o‘zining tibbiy xodimlari tarkibida bir qator o‘zgarishlar kiritishga qaror qildi. Bu haqida Euro-football.ru xabar berdi.
Bu haqda The Athletic nashri xabar bermoqda. Ma’lum qilinishicha, klub ichida ishlayotgan xodimlar o‘rtasida kelishmovchiliklar ham bo‘lgan va bu holat ham rahbariyatning tibbiy shtabni yangilashga qaror qilishiga sabab bo‘lgan.
Yaqin haftalarda yana yangi kadrlar o‘zgarishi bo‘lishi mumkin. Yangi tibbiy guruhga 2021 yildan buyon Real klubida faoliyat yuritib kelayotgan Felipe Segura rahbar etib tayinlandi.
Shuningdek, klub Granada jamoasidan Manuel Arroyo ismli mutaxassisni ham ishga oldi. Daniel Rosado va Xayme Abaskal esa asosiy jamoa tarkibida qolmaydi, ular boshqa lavozimlarga o‘tishi yoki klubni tark etishi kutilmoqda.
Real klubi uchun yangi mavsum 19 avgust kuni Osasuna jamoasiga qarshi o‘yin bilan boshlanadi. Klub rahbariyati yangilangan tibbiy shtab jamoaning sog‘lig‘ini yaxshilashga va o‘yinchilarning jarohatlar sonini kamaytirishga yordam beradi, deb umid qilmoqda.
