Sobiq futbolchi Aleksandr Mostovoy “Krasnodar” jamoasidagi legionerlar soni haqida fikr bildirdi. Bu haqida Euro-football.ru xabar berdi.
Ma’lumki, “Krasnodar” bu yil o‘z tarixida ilk bor Rossiya chempioniga aylandi. Mostovoyning aytishicha, ilgari klub o‘z tarbiyalanuvchilari bilan faxrlanar, biroq ular bilan jamoa beshinchi yoki oltinchi o‘rindan yuqoriga ko‘tarila olmas edi.
Hozir esa tarkibda 15 nafar xorijlik futbolchi bor va ular chempion bo‘lishdi. Uning ta’kidlashicha, futbolchining pasporti emas, uyning darajasi muhim.
Agar futbolchi kuchli bo‘lsa, uning fuqaroligidan qat’i nazar, asosiy tarkibda o‘ynashi kerak. Hozirgi vaqtda Rossiya Premyer-ligasi klublari bir mavsumga 13 nafar legionerni ro‘yxatga kiritishi mumkin.
Shu bilan birga, maydonda bir vaqtning o‘zida 8 nafar xorijlik futbolchi ishtirok eta oladi. Avvalroq, keyingi mavsumdan boshlab legionerlar soniga cheklovlar kuchaytirilishi mumkinligi haqida ma’lumotlar chiqqan edi.
Yangi tartibga ko‘ra, klub faqat 10 nafar legionerni ro‘yxatdan o‘tkaza oladi va maydonda 5-7 nafari qatnasha oladi. Bu cheklovlarni kuchaytirish rejasini Rossiya sport vazirligi ko‘rib chiqmoqda.
