"Manchester Yunayted" bosh murabbiyi Ruben Amorim klub egasi Jim Retkliff bilan o‘zaro munosabatlari haqida fikr bildirdi. Bu haqida Euro-football.ru xabar berdi.
Murabbiyning aytishicha, ular telefon orqali tez-tez muloqot qilishadi, Jim Retkliff unga xabarlar va turli kulgili suratlar yuboradi. Amorim o‘z so‘zida, Jim bilan ishlash osonligini ta’kidladi.
Uning so‘zlariga ko‘ra, agar inson o‘z vazifasini yaxshi bilsa va har qanday qarorini asoslab bera olsa, ishlar risoladagidek bo‘ladi. Amorim klub egasi kimligini yaxshi biladi va o‘z o‘rnini ham anglaydi.
Shunga qaramay, kerakli paytda o‘z fikrini ochiq aytishni odat qilgan. Unga ko‘ra, Jim Retkliff bunday ochiqlik va halollikni qadrlaydi.
Shuningdek, murabbiy kelasi mavsum Angliya Premer-ligasining birinchi turida "Manchester Yunayted" o‘z maydonida "Arsenal" jamoasini qabul qilishi haqida ham to‘xtaldi. Ushbu uchrashuv yakshanba kuni, 17-avgust kuni bo‘lib o‘tadi.
Mazkur o‘yin muxlislar uchun muhim voqea bo‘lishi kutilmoqda.
