Frank: Palinya Tottenxem uchun kerakli tajribali futbolchi

Tottenxem bosh murabbiyi Tomas Frank jamoaning yangi futbolchisi Joau Palinya haqida o‘z fikrlarini bildirdi. Bu haqida Euro-football.ru xabar berdi.

Tottenxem 30 yoshli yarim himoyachini Bavariyadan 2025/26 yilgi mavsum oxirigacha ijaraga oldi va shartnomada futbolchini to‘liq sotib olish huquqi ham ko‘zda tutilgan. Tomas Frankning so‘zlariga ko‘ra, Palinyaning eng muhim jihati – uning futbolchilik mahorati va tajribasidir.

Murabbiy bu transfer jamoa uchun muhimligini ta’kidladi. Uning aytishicha, hozirgi tarkibda Palinya kabi aniq tayanch yarim himoyachilar yetishmaydi.

Aynan shunday futbolchi safarda yoki qarshi hujumga asoslangan jamoalarga qarshi o‘yinlarda juda foydali bo‘ladi. Joauning tajribasi jamoaga ko‘mak beradi.

Ma’lumot uchun, o‘tgan yil yozida Bavariya Joau Palinyani Fulhem klubidan 51 million yevro evaziga sotib olgan edi. Portugaliyalik futbolchi Fulhem safida ikki yil davomida to‘p surgan.

Endilikda esa u Tottenxem sharafini himoya qiladi.