Real yangi transferlardan voz kechdi, Alonso xafa
Madridning "Real" klubi bu yilgi transfer oynasida endi yangi futbolchilarni sotib olishni rejalashtirmayapti. Bu haqida Euro-football.ru xabar berdi.
Klub rahbariyati mavjud tarkib to‘liq shakllangan deb hisoblaydi. Shu sababli, avgust oyida yangi futbolchilar bilan shartnoma imzolanishi kutilmayapti.
Bu haqda jurnalist Arancha Rodrigez xabar berdi. Endi bosh murabbiy Xabi Alonso mavjud futbolchilar bilan ishlash va jamoani natijaga olib chiqish uchun harakat qilishi zarur.
Shuningdek, ayrim manbalarga ko‘ra, jamoa ustozining yana bir yarim himoyachi olib kelish istagi bo‘lgan, shuningdek, yangi markaziy himoyachi haqida ham gap-so‘zlar bo‘lgan. Biroq rahbariyat bu transfer oynasida jamoani kuchaytirish rejasidan voz kechgan.
Eslatib o‘tamiz, bu yozda "Real" safiga Din Hoysen, Alvaro Karreras va Trent Aleksander-Arnold qo‘shildi. Yaqin kunlarda esa jamoaga yana bir futbolchi, ya’ni Franko Mastantuono kelib qo‘shilishi kutilmoqda.
Shu tariqa, Madrid klubi yangi mavsumga mavjud tarkib bilan kirib boradi va yangi o‘yinchilarni faqat keyingi transfer oynasida ko‘rishimiz mumkin bo‘ladi.
