Jeyms Meddison jarohati jiddiy bo‘lishi mumkin
"Tottenhem" jamoasining asosiy yarim himoyachisi Jeyms Meddison "Arsenal"ga qarshi o‘rtoqlik uchrashuvida jarohat oldi. Bu haqida Euro-football.ru xabar berdi.
Angliyalik futbolchining ahvoli haqida jamoa bosh murabbiyi Tomas Frank ma’lumot berdi. Tomas Frankning so‘zlariga ko‘ra, Jeyms Meddison jiddiy jarohat olgan bo‘lishi mumkin.
U avvalgi mavsumda muammoga aylangan tizzasidan jarohat oldi. Hozircha aniq tashxis belgilanmagan, yaqin kunlarda bu borada to‘liq ma’lumot beriladi.
Ma’lumot uchun, o‘rtoqlik uchrashuvida Tomas Frank boshchiligidagi jamoa "Arsenal"ni 1:0 hisobida mag‘lub etdi. Uchrashuvning birinchi bo‘limi oxirida yagona golni yarim himoyachi Sarr kiritdi.
Jamoa matbuot xizmati Meddisonning holati diqqat bilan kuzatilayotganini, futbolchining sog‘lig‘i tibbiy ko‘rikdan so‘ng aniqlik kiritilishini bildirdi. Mutaxassislar futbolchining maydonga qaytish muddatini aniqlash uchun barcha zarur tekshiruvlarni o‘tkazmoqda.
"Tottenhem" muxlislari esa Meddisonning tez orada safga qaytishidan umidvor.
