Yevropa jamoalari yangi mavsumga tayyorgarlikni davom ettirmoqda. Bu haqida Euro-football.ru xabar berdi.
Dushanba kuni “Enfild” stadionida “Liverpul” va “Atletik” jamoalari o‘rtasida o‘rtoqlik uchrashuvi bo‘lib o‘tmoqda. Uchrashuvning 20-daqiqasida hakam o‘yinni to‘xtatdi va ishtirokchilar tomoshabinlar bilan birga hujumchi Diogu Jotaning xotirasini hurmat bilan yodga oldilar.
Joriy yil 3-iyul kuni Diogu Jota Ispaniyada yo‘l-transport hodisasi natijasida vafot etdi. U o‘zining akasi Andre Silva bilan birga avtomobil halokatiga uchradi.
Mashina yo‘ldan chiqib ketib, darhol yonib ketgan. Futbolchilarning omon qolishiga imkon bo‘lmagan.
Ushbu fojiali voqeadan so‘ng “Liverpul” klubi Diogu Jotaning 20-raqamini abadiy saqlashga qaror qildi. Bu raqam endi boshqa futbolchiga berilmaydi.
“Liverpul” va “Atletik” o‘rtasidagi uchrashuvni matnli translyatsiya orqali kuzatishingiz mumkin.
