Taniqli sport sharhlovchisi Dmitriy Guberniev Rossiya milliy terma jamoasining Iordaniya terma jamoasi bilan o‘rtoqlik uchrashuvi o‘tkazishi haqidagi yangilikka o‘z munosabatini bildirdi. Bu haqida Euro-football.ru xabar berdi.
Bu haqda Iordaniya jamoasining ijtimoiy tarmoqlardagi sahifalarida bugun ma’lumot paydo bo‘ldi. Uchrashuv 4-sentabr kuni bo‘lib o‘tadi.
Dmitriy Gubernievning so‘zlariga ko‘ra, Rossiya terma jamoasining boshqa jamoalar bilan o‘yin o‘tkazayotgani ijobiy holat hisoblanadi. U bu mavzuda ko‘p bor fikr bildirganini aytib, Rossiyaga kelib o‘ynayotgan jamoalarga minnatdorlik bildirdi.
Gubernievning ta’kidlashicha, har qanday sharoitda ham terma jamoa mavjud bo‘lib, munosib raqiblarga qarshi o‘yinlar o‘tkazmoqda. Uning fikriga ko‘ra, Rossiya futbol ittifoqi terma jamoalar institutini qo‘llab-quvvatlayotgani muhim ahamiyatga ega.
Eslatib o‘tamiz, 2022-yil fevral oyidan boshlab Rossiya terma jamoasi va mamlakat klublari FIFA hamda UEFA homiyligidagi xalqaro musobaqalarda ishtirok etishdan chetlatilgan.
