Sobiq CSKA himoyachisi Vladimir Ponomaryov Rossiya terma jamoasi nima uchun RPL legionerlari jamoasiga qarshi o‘rtoqlik uchrashuvi o‘tkazishga rozi bo‘lmayotganini izohladi. Bu haqida Euro-football.ru xabar berdi.
Yaqinda ma’lum bo‘ldiki, Rossiya sentabr oyida o‘z maydonida Iordaniya terma jamoasi bilan o‘yin o‘tkazadi. Ponomaryovning ta’kidlashicha, Rossiya terma jamoasi legionerlarga qarshi o‘ynashni xohlamayotgani sababi, mag‘lubiyatdan xavotirda.
Unga ko‘ra, hozirgi vaqtda terma jamoa kuchsiz hisoblanadi va tarkib tanlashda imkoniyatlar cheklangan, chunki har bir klubda ko‘plab xorijlik futbolchilar mavjud. Ponomaryov shuningdek, bunday o‘yin muxlislar uchun qiziqarli bo‘lishini, legioner futbolchilar esa o‘z mahoratini va Rossiyada oladigan maoshlariga munosib ekanini namoyish etishga harakat qilishlarini aytdi.
Avvalroq Rossiya terma jamoasining kuzda Urugvay, Argentina yoki Chili jamoalariga qarshi o‘yin o‘tkazishi mumkinligi haqida xabarlar tarqalgan edi. Biroq hozircha Rossiya futbol ittifoqi faqat 4-sentabr kuni Iordaniyaga qarshi o‘yin bo‘lishini tasdiqladi.
