Cherchesov “Axmat” bosh murabbiyligi haqida izoh berdi

So‘nggi kunlarda matbuotda Sanktislav Cherchesov tez orada "Axmat" futbol klubi bilan shartnoma imzolashi mumkinligi haqida xabarlar paydo bo‘ldi. Bu haqida Euro-football.ru xabar berdi.

Bu borada 61 yoshli mutaxassisning o‘zi qisqacha izoh berdi. Cherchesovning so‘zlariga ko‘ra, unga "Axmat" klubidan qo‘ng‘iroq bo‘lgan, biroq hozircha boshqa yangilik yo‘q.

Ma’lumot uchun, Stanislav Cherchesov ilgari ham ushbu klubda faoliyat olib borgan. U 2011-2013 yillar davomida Grozniy shahrining "Axmat" jamoasida bosh murabbiy bo‘lib ishlagan.

Hozirda Cherchesov hech bir jamoada murabbiy sifatida ishlamayapti. Joriy yil boshida u Qozog‘iston terma jamoasidagi murabbiylik lavozimini tark etgan edi.

Ushbu terma jamoada u uzoq vaqt ishlamadi. "Axmat" joriy mavsumni omadsiz boshladi.

Jamoa Rossiya Premer-ligasi va mamlakat Kubogida o‘tkazilgan to‘rt uchrashuvning barchasida mag‘lubiyatga uchradi. Shu sababli, klub rahbariyati Aleksandr Storojuk bilan hamkorlikni tugatganini rasman e’lon qildi.

Hozircha "Axmat"ning yangi bosh murabbiyi kim bo‘lishi borasida rasmiy ma’lumot yo‘q. Cherchesov nomzodi asosiy da’vogar sifatida tilga olinmoqda.