Berardi “Sassuolo” bilan yangi shartnoma imzolaydi
"Sassuolo" jamoasi sardori Domeniko Berardi klubni tark etishni rejalashtirmayapti. Bu haqida Euro-football.ru xabar berdi.
Bu haqda klub bosh direktori Jovanni Karnevalli ma’lum qildi. Uning so‘zlariga ko‘ra, 31 yoshli futbolchi yangi shartnoma imzolash arafasida turibdi.
Uch oy ilgari ham muzokaralar boshlanganligi haqida xabarlar paydo bo‘lgandi. O‘sha vaqtda Berardi 2028 yilgacha mo‘ljallangan yangi shartnomani imzolashi va shartnomaga yana bir yilga uzaytirish imkoniyati kiritilishi mumkinligi aytilgan edi.
Domeniko Berardi hozirgacha "Sassuolo" safida 399 ta o‘yinda maydonga tushgan. U jamoa uchun 148 ta gol urgan va 108 ta golli uzatmani amalga oshirgan.
O‘tgan mavsumda Berardi "Sassuolo"ga Serie B chempionligini qo‘lga kiritishda va jamoaning yuqori ligaga qaytishida muhim hissa qo‘shdi. Shu tariqa, tajribali futbolchi klub uchun muhim o‘yinchi bo‘lib qolmoqda.
Yangi shartnoma imzolanadigan bo‘lsa, Berardi kelgusi yillarda ham "Sassuolo" safida harakat qilishda davom etadi.
