Londonning Chelsi klubi tarkibni kuchaytirish bo‘yicha ishlarni davom ettirmoqda. Bu haqida Euro-football.ru xabar berdi.
Manbalarga ko‘ra, jamoa Barselona klubi yarim himoyachisi Fermin Lopesga qiziqish bildirmoqda. So‘nggi paytlarda bu futbolchi Manchester Yunayted jamoasi bilan ham bog‘lanmoqda.
Ma’lumotlarga ko‘ra, Chelsi 22 yoshli futbolchini sotib olish uchun taklif tayyorlamoqda. Klub Lopes uchun taxminan 60 million yevro miqdorida pul taklif qilmoqchi.
Shuningdek, Fermin Lopes Barselonani tark etishni xohlamayotgani aytilmoqda. Biroq, Barselona klubi moliyaviy ahvoli og‘ir bo‘lgani uchun futbolchini sotishga majbur bo‘lishi mumkin.
Fermin Lopes Barselonaning asosiy jamoasida 88ta o‘yin o‘tkazgan. Ushbu uchrashuvlarda u 19ta gol urgan va 11ta golli uzatmani amalga oshirgan.
Ma’lum qilinishicha, jamoaning bosh murabbiyi ham Fermin Lopes bo‘yicha o‘z qarorini qabul qilgan. Shu tariqa, futbolchining kelajagi yaqin orada aniqlik kasb etishi kutilmoqda.
