Antoniyning kelajagi hozircha aniq emas. Bu haqida Euro-football.ru xabar berdi.
2024-2025 yilgi mavsum yakunlangach, braziliyalik futbolchi “Betis” klubida to‘rt oycha o‘ynab, yana “Manchester Yunayted” jamoasiga qaytdi. Transfer News Live nashri Cadena SER efiriga tayanib xabar berishicha, 25 yoshli Antoni “Betis”ning yana bir mavsum ijaraga olish taklifini “Manchester Yunayted” rahbariyatiga ma’qul qilishga harakat qilmoqda.
Shu bilan birga, Antoni Chempionlar Ligasi ishtirokchisi bo‘lgan boshqa jamoaga ham o‘tishga ochiq ekanini bildirgan. Avvalroq “Betis” rahbariyati futbolchini to‘liq sotib olish imkoniyati yo‘qligini, faqat ijaraga olish variantini ko‘rib chiqayotganini ma’lum qilgandi.
O‘z navbatida, “Manchester Yunayted” futbolchini to‘liq transfer qilish tarafdori ekani aytilmoqda. Hozircha tomonlar kelishuvga erishgani haqida rasmiy ma’lumot yo‘q.
Antoniyning qaysi jamoada faoliyatini davom ettirishi mavsumoldi transfer oynasi natijasiga bog‘liq bo‘ladi. Shu bois, futbolchining kelajagi yaqin haftalarda aniq bo‘lishi kutilmoqda.
