Sobiq “Manchester Yunayted” yarim himoyachisi Kristian Eriksen “Byornli” jamoasiga o‘tishi mumkin. Bu haqida Euro-football.ru xabar berdi.
Bu haqda Mail Sport nashri xabar berdi. O‘tgan mavsum yakunlariga ko‘ra Premyer-ligaga qaytgan “Byornli” klubi daniyalik futbolchini o‘z tarkibiga qo‘shib olish uchun rasmiy so‘rov yuborgan.
Hozirda 33 yoshli Kristian Eriksen “Manchester Yunayted” klubidan ketganidan so‘ng hech bir jamoada o‘ynamayapti. Kristian Eriksen uch yil davomida “Manchester Yunayted” safida harakat qilgan.
U bunga qadar Angliyaning “Brentford” va “Tottenxem” klublarida ham o‘ynagan. Umuman olganda, futbolchi Angliya Premyer-ligasida 310 uchrashuvda maydonga tushib, 55 ta gol va 81 ta golli uzatma muallifi bo‘lgan.
Eslatib o‘tamiz, “Byornli” joriy mavsumda Chempionship musobaqasida ikkinchi o‘rinni egallab, to‘g‘ridan-to‘g‘ri Angliya oliy divizioniga yo‘l oldi. Klub yangi mavsumda o‘z tarkibini tajribali futbolchilar bilan kuchaytirish niyatida.
Kristian Eriksen esa hozirda erkin agent hisoblanadi va uning yangi jamoaga o‘tishi kutilmoqda.
