Umyarov “Spartak” bilan maoshini ikki barobar oshirdi

Insayder Ivan Karpov o‘zining shaxsiy telegram kanalida Nayil Umyarov va Moskvaning Spartak klubi o‘rtasidagi yangi shartnoma tafsilotlarini e’lon qildi. Bu haqida Euro-football.ru xabar berdi.

Ma’lum qilinishicha, markaziy yarim himoyachi Nayil Umyarov klub bilan yozgi mavsumgacha, ya’ni 2029 yilning yozigacha mo‘ljallangan yangi shartnoma imzolaydi. Yangi shartnomaga ko‘ra, futbolchining yillik maoshi 1,2 million yevrodan 2 million yevroga oshadi.

Karpovning yozishicha, Nayil bilan muzokaralar deyarli uch oy davom etgan va nihoyat tomonlar o‘zaro kelishuvga erishgan. Umyarov Dejan Stankovich boshchiligida jamoaning asosiy o‘yinchilaridan biriga aylangan.

Hozirda futbolchining yoshi 25 da. Nayil Umyarov klubning "Chertanovo" akademiyasi tarbiyalanuvchisi hisoblanadi.

Transfermarkt portali futbolchini 4 million yevroga baholamoqda. Hozirgi shartnomasi 2026 yilning yozigacha amal qiladi.

Yangi shartnoma orqali Umyarov nafaqat moliyaviy tomondan, balki professional faoliyati uchun ham muhim qadam qo‘ymoqda. Bu kelishuv klub va futbolchi uchun o‘zaro manfaatli bo‘lishi kutilmoqda.