Xorvatiyalik yarim himoyachi Filipp Mrzlyak yana Ufa jamoasiga qaytdi. Bu haqida Euro-football.ru xabar berdi.
Bu haqda Bashqirdiston poytaxtidagi klub matbuot xizmati ma’lum qildi. Hozircha futbolchining transferiga oid batafsil ma’lumotlar oshkor etilmadi.
Filipp Mrzlyak 32 yoshda. U avvalroq o‘z vatanidagi Zagrebning Dinamo jamoasi, shuningdek, Buxarest Dinamosi, Panduriy va Astra klublarida ham o‘ynagan.
Futbolchi 2020-2022 yillarda ham Ufa safida maydonga tushgan. Shu davr ichida u jami 43 o‘yinda ishtirok etib, to‘rt bor raqib darvozasini ishg‘ol qilgan.
Mrzlyak Ufa jamoasiga qaytishidan oldin Hindistonning Raundglass Pendjab klubida to‘p surgan. Hozirgi paytda Ufa PARI ligasida ishtirok etmoqda.
Uchta tur yakuniga ko‘ra, Omari Tetrazde boshchiligidagi jamoa to‘rt ochko jamg‘argan. Klubning keyingi o‘yinlarda qanday natijalar ko‘rsatishi muxlislar uchun qiziq bo‘lmoqda.
