Madridning Real klubi hujumkor yarim himoyachisi Reyner bilan shartnomani bekor qildi va u Braziliyaning Atletiko Mineyro jamoasiga o‘tdi. Bu haqida Euro-football.ru xabar berdi.
Bu haqda Ispaniya klubi rasmiy sayti orqali ma’lum qildi. 23 yoshli braziliyalik futbolchi yangi jamoasiga bepul ko‘chib o‘tdi.
Shunga qaramay, oldingi kelishuvga ko‘ra, Real klubi Reyner keyinchalik boshqa klubga sotilsa, transferdan tushadigan mablag‘ning yarmiga egalik qiladi. Eslatib o‘tamiz, Reyner 2020 yil boshida Flamengodan Real klubiga 30 million yevro evaziga kelib qo‘shilgan edi.
O‘sha paytda u istiqbolli yosh futbolchi sifatida e’tirof etilgan va undan katta natijalar kutilgan. Biroq, Reyner Yevropada o‘zini to‘liq namoyon eta olmadi.
U Germaniyaning Borussiya Dortmund, Ispaniyaning Jirona, Italiyaning Frozinone va Granadada ijarada o‘ynadi. Shunga qaramay, Madrid jamoasining asosiy tarkibida birorta ham rasmiy o‘yinda maydonga tushmadi.
Reyner endi faoliyatini o‘z yurtida davom ettiradi.
