Xavi ter Shtegenni qo‘llab-quvvatlab yozgan izohini o‘chirib tashladi

"Barselona" futbol klubi darvozaboni Mark-Andre ter Shtegen klub bilan kelishmovchilikka duch kelmoqda. Bu haqida Euro-football.ru xabar berdi.

Ma’lum bo‘lishicha, u yaqinda jarohati bo‘yicha tibbiy xulosani imzolashdan bosh tortgani sababli vaqtincha sardorlik bog‘ichidan mahrum qilindi. Bu voqea futbolchi va klub o‘rtasidagi munosabatlarda ziddiyat yuzaga kelishiga sabab bo‘ldi.

Avvalroq, "Barselona"ning sobiq futbolchisi va murabbiyi Xavi ter Shtegenni ijtimoiy tarmoqdagi sahifasida izoh qoldirib qo‘llab-quvvatladi. Biroq Xavi bu izohni tezda o‘chirib tashladi, ammo internetda bu holat e’tibordan chetda qolmadi.

Bir necha oy oldin Hans-Diter Flik ter Shtegenni asosiy darvozabon sifatida ko‘rmasligi haqida xabarlar tarqaldi. Shunga qaramay, ter Shtegen boshqa klubga o‘tishga rozilik bermadi.

Oradan ko‘p o‘tmay, orqa qismidagi muammolar sababli futbolchi operatsiya qilindi. Hozirda futbolchi va klub uning tiklanish muddati borasida turlicha fikrda.

Aynan shu sababdan Mark-Andre ter Shtegen jarohat haqidagi tibbiy xulosani imzolashdan bosh tortdi. Bu masala yuzasidan futbolchi rasmiy bayonot ham berdi.

Batafsil ma’lumotni yangiliklarimizda topishingiz mumkin.