Sychyov: CSKA murabbiy tanlashda to‘g‘ri qaror qildi

Rossiya terma jamoasining sobiq hujumchisi Dmitriy Sychyov Moskva shahri CSKA jamoasining yangi bosh murabbiyi Fabio Chelestini haqida o‘z fikrini bildirdi. Bu haqida Euro-football.ru xabar berdi.

Uning so‘zlariga ko‘ra, CSKA rahbariyati murabbiy tanlashda to‘g‘ri qaror qabul qilgan. Sychyov dastlab bu lavozimga rossiyalik mutaxassis tayinlanadi, deb o‘ylaganini ta’kidladi.

Biroq klub tez va aniq harakat qilib, Chelestini boshchiligida jamoa yorqin va hujumkor futbol namoyish eta boshladi. Ma’lumot uchun, Chelestini boshchiligidagi CSKA yangi mavsumning dastlabki olti uchrashuvida biror marta ham mag‘lub bo‘lmadi.

Jamoa shu davrda to‘rt bor g‘alaba qozondi va ikki marta durang natija qayd etdi. Chelestini joriy yilning iyun oyida CSKA jamoasiga bosh murabbiy etib tayinlandi.

U bunga qadar Shveysariyaning “Bazel” jamoasida ishlagan va u yerda mamlakat chempionligi hamda kubogini qo‘lga kiritgan. Shu orqali Chelestini o‘zining murabbiylik salohiyatini namoyon qilgan.

CSKA jamoasi uning rahbarligida yangi mavsumga yaxshi tayyorgarlik ko‘rganini ko‘rish mumkin.