CSKA futbolchilari o‘yin oldidan go‘sht yemaydi

CSKA futbol jamoasida diyetolog sifatida faoliyat yuritayotgan Xose Blesa futbolchilarning ovqatlanishi haqida o‘z fikrini bildirdi. Bu haqida Euro-football.ru xabar berdi.

Avvalroq jamoa yarim himoyachisi Kirill Glebov futbolchilarga go‘sht iste’mol qilish taqiqlangani haqida aytgan edi, biroq axborot xizmati rahbari Kirill Breydo bu ma’lumotni rad etgan. Xose Blesaning so‘zlariga ko‘ra, bu borada tushunmovchilik yuzaga kelgan.

Unga ko‘ra, CSKA futbolchilari haftaning odatdagi kunlarida go‘sht iste’mol qiladilar, biroq o‘yin oldidan ayrim cheklovlarga amal qilinadi. Blesa ta’kidlashicha, o‘yin oldidan, ya’ni so‘nggi kuni qizil go‘sht iste’mol qilish eng yaxshi tanlov emas.

Chunki bu vaqtda futbolchilar asosan oqsil va yengil hazm bo‘ladigan mahsulotlarni iste’mol qiladilar. Lekin haftaning boshqa kunlarida go‘sht ularning ratsionidan o‘rin oladi.

Eslatib o‘tamiz, o‘tgan dam olish kunlari CSKA o‘z maydonida Rubin jamoasini 5:1 hisobida yirik hisobda mag‘lub etdi. Jamoa navbatdagi uchrashuvini seshanba kuni Fonbet Rossiya Kubogi doirasida Akron jamoasiga qarshi safarda o‘tkazadi.

Shundan so‘ng, CSKAni Premer-ligada Dinamoga qarshi shahar derbisi kutmoqda.