Mahachqal’a “Dinamo” klubi prezidenti bo‘lib ishlayotgan Hadji Hadjiev Rossiya Premyer-ligasi klublari uchun maoshlar chegarasi joriy etilishi ehtimoli haqida o‘z fikrini bildirdi. Bu haqida Euro-football.ru xabar berdi.
Hadjievning aytishicha, maoshlar uchun chegaraning belgilanishi ayrim “soya” sxemalarning paydo bo‘lishiga olib kelishi mumkin. Ya’ni, ayrim futbolchilar o‘z ish haqlarining bir qismini norasmiy tarzda, ya’ni yashirin ravishda olishlari ehtimoli bor.
Hadjiev bu boradagi xavotirini shunday izohlaydi: “Agar maoshlar uchun chegaralar joriy qilinsa, hammasi soya sxemalarga o‘tib ketishi mumkin. Bu holat haqiqatga juda yaqin.
Buni mening hayotiy tajribam tasdiqlaydi”, – deydi u Metaratings nashriga bergan intervyusida. Eslatib o‘tamiz, Mahachqal’a “Dinamo” jamoasi Premyer-liganing o‘tgan to‘rt turida besh ochko jamg‘ardi.
Jamoa hozirda musobaqa jadvalida o‘ninchi o‘rinda bormoqda.
