Kononov: Torpedo og‘ir davrda ham ijobiy ruhda

Moskvaning Torpedo futbol klubi bosh murabbiyi Oleg Kononov jamoasining so‘nggi natijalari haqida fikr bildirdi. Bu haqida Euro-football.ru xabar berdi.

Uning aytishicha, hozirgi vaqtda ko‘pchilik aybdorni izlashga harakat qiladi va natijada ko‘p salbiy fikrlar paydo bo‘ladi. Kononovning so‘zlariga ko‘ra, ular har qanday holatda ham ijobiy kayfiyatda yashashga intiladilar va kelajakda jamoada hammasi yaxshi bo‘lishiga ishonadilar.

Ma’lumot uchun, Torpedo futbolchilari yangi mavsumni Rossiya oliy ligasida boshlashlari kerak edi. Biroq, hakamlar bilan bog‘liq janjallar sababli klub bir pog‘ona pastga, ya’ni quyi ligaga tushirildi.

Hozirda PARI ligasida o‘tkazilgan to‘rt turdan so‘ng, Torpedo jamoasi musobaqa jadvalining oxirgi pog‘onasida, ya’ni 16-o‘rinda bormoqda. Ularning hisobida atigi bir ochko mavjud.

Dushanba kuni kechqurun Torpedo o‘z maydonida Kostroma shahrining Spartak jamoasiga kichik hisobda mag‘lub bo‘ldi. Uchrashuvdan so‘ng, klub muxlislari bosh murabbiy Oleg Kononovdan iste’foga chiqishni talab qildilar.

Jamoa rahbariyati esa vaziyatni o‘rganmoqda va keyingi qarorlar haqida ma’lumot berilmagan.