Rossiya milliy terma jamoasining sobiq yarim himoyachisi Denis Glushakov Grozniyning "Axmat" jamoasiga yangi bosh murabbiy etib tayinlangan Stanislav Cherchesov va uning jamoa boshqaruvidagi ilk natijasi haqida o‘z fikrini bildirdi. Bu haqida Euro-football.ru xabar berdi.
Denis Glushakovning so‘zlariga ko‘ra, Cherchesov o‘z jamoalariga motivatsiya olib kiradi. Murabbiy atigi uch kun ishlagan bo‘lsa-da, har bir futbolchi bilan alohida suhbatlashib, ularga to‘g‘ri yondashuv topa oldi.
Bu esa, Glushakovning ta’kidlashicha, eng muhim jihatlardan biridir. Ustozning qisqa vaqt ichida jamoa ruhiyatiga ijobiy ta’sir ko‘rsatgani qayd etildi.
Ma’lumot uchun, "Axmat" joriy haftada Rossiya chempionatining to‘rtinchi turida o‘z maydonida "Zenit" jamoasini kutilmagan tarzda mag‘lub etdi. Ushbu g‘alaba minimal hisobda qo‘lga kiritildi.
E’tiborlisi, Grozniy klubi ushbu muvaffaqiyatgacha rasmiy musobaqalarda ketma-ket to‘rt o‘yinda mag‘lub bo‘lgan edi. Yangi murabbiy boshchiligida jamoa ilk bor zafar quchdi va muxlislar orasida umid uyg‘otdi.
