“Shutgart” futbol klubi bosh direktori Aleksandr Verle hujumchi Nik Voltemade jamoani tark etishi mumkinligi haqidagi savolga javob berdi. Bu haqida Euro-football.ru xabar berdi.
23 yoshli futbolchi “Bavariya” klubini qiziqtirmoqda. Biroq Myunxen jamoasida “Shvablar”ning yetakchi o‘yinchisini transfer qilish uchun juda oz vaqt qoldi.
Alekandr Verlening so‘zlariga ko‘ra, agar kimdir “Shutgart” futbolchisi bilan shartnoma imzolashni istasa, bu masalani tez fursatda hal qilishi kerak. “Agar siz bizning futbolchimizni sotib olmoqchi bo‘lsangiz, hoziroq yo‘lini topishingiz lozim.
Shanba kuni Germaniya Superkubogi uchrashuvi bo‘lib o‘tadi. Shu vaqtgacha barcha masalalar aniqlik kasb etishi zarur”, – dedi Verle Stuttgarter Nachrichten nashriga bergan intervyusida.
Superkubok doirasidagi uchrashuvda “Shutgart” aynan “Bavariya”ga qarshi maydonga tushadi. Shanba kuni bo‘lib o‘tadigan o‘yin Toshkent vaqti bilan soat 23:30 da boshlanadi.
