FIFA toifasidagi sobiq rossiyalik hakam Sergey Lapochkin "Lokomotiv" futbolchisi Aleksey Batrakovning so‘nggi o‘yindagi harakati yuzasidan fikr bildirdi. Bu haqida Euro-football.ru xabar berdi.
Batrakov Kubok doirasida Kaliningradning "Baltika" jamoasiga qarshi o‘yinda sportga zid xatti-harakati uchun hakam tomonidan sariq kartochka oldi. Raqib jamoa bosh murabbiyi Andrey Talalaev uchrashuvdan so‘ng Batrakovga boshqa futbolchilarga nisbatan ko‘proq imkon berilganini savol ostiga oldi.
Lapochkinning so‘zlariga ko‘ra, bu holat jazolanishdan qochish natijasida yuzaga kelgan. Unga ko‘ra, Batrakov avval bir futbolchiga qattiq harakat qilgan va buning uchun jazolanmaganini ko‘rib, o‘zini yanada faol tutgan.
Keyin esa ikkinchi raqibga ham shunday harakat qilgan va natijada maydonda tortishuv boshlangan. Lapochkin fikricha, hakam unga sariq kartochkani erta ko‘rsatishi lozim edi.
Mazkur uchrashuvdan so‘ng "Lokomotiv" 3 ochko bilan Rossiya Kubogi D guruhida uchinchi o‘rinda bormoqda. "Baltika" hisobida ochko yo‘q, "CSKA" 4 ochko bilan ikkinchi, "Akron" esa 5 ochko bilan birinchi o‘rinni egallab turibdi.
