CSKA futbol jamoasining darvozaboni Igor Akinfeev jamoa bosh murabbiyi Marko Nikolichning isteʼfoga chiqishi haqida o‘z fikrini bildirdi. Bu haqida Euro-football.ru xabar berdi.
Unga ko‘ra, Nikolichning bunday qarorga kelgani jamoa uchun kutilmagan va achinarli bo‘ldi. Akinfeevning aytishicha, murabbiy jamoani kuchli va yuqori natijalarga erishishga tayyor holatga olib kelgandi.
Shu sababli, uning ketishi ko‘plab futbolchilar va muxlislarni xafa qildi. Akinfeev shuningdek, yoshligida bunday holatda ko‘proq savollar tug‘ilishi mumkinligini, hozir esa har bir inson o‘z qarorini mustaqil qabul qilishini ta’kidladi.
U murabbiyni fikridan qaytarishga yoki uni ishontirishga harakat qilish vaqti emasligini aytdi. Futbolchining so‘zlariga ko‘ra, har kim o‘z tanlovini qiladi va bunga hurmat bilan qarash lozim.
Eslatib o‘tamiz, Marko Nikolich 2024/25 yilgi mavsumda CSKA jamoasiga boshchilik qilgan. Uning rahbarligida jamoa Rossiya chempionatida uchinchi o‘rinni egalladi va Rossiya kubogini qo‘lga kiritdi.
Bu natijalar jamoaning so‘nggi yillardagi eng yaxshi ko‘rsatkichlaridan biri hisoblanadi.
