Sobiq “Chelsi” jamoasi kapitanlariidan biri Jon Terri murabbiylik faoliyati haqida fikr bildirdi. Bu haqida Euro-football.ru xabar berdi.
O‘yinchi faoliyatini yakunlagach, u “Aston Villa” va “Lester” jamoalarining murabbiylar shtabida ishladi. Biroq, shundan keyin murabbiylik sohasida katta yutuqlarga erisha olmadi.
Hozirda u “Chelsi” akademiyasida faoliyat yuritmoqda. Terri o‘z so‘zlarida murabbiylik faoliyatini endi yakunlaganini aytdi.
U hayotdan zavqlanayotganini va akademiyada ishlashini ta’kidladi. Shuningdek, u “Aston Villa”da Din Smit bilan birga ishlash tajribasiga ega ekanligini qayd etdi.
Ular jamoani yuqori ligaga olib chiqishga muvaffaq bo‘lishgan. Terri Angliya Premer-ligasidagi klubda murabbiy yordamchisi sifatida ishlagan, shuningdek, “Chelsi” jamoasida o‘yinchi va kapitan sifatida ham tajriba orttirgan.
Biroq u murabbiylikda o‘zini to‘liq namoyon eta olmaganini ta’kidladi. Hatto pastroq ligalarda ham unga imkon berilmagan.
Intervyularda unga “sizda tajriba yo‘q” deyishganini esladi. Jon Terri o‘zida yaxshi murabbiy bo‘lish uchun zarur sifatlar mavjudligiga ishonadi, ammo afsuski, bu imkoniyat unga berilmagan.
U bu holatdan biroz afsusda ekanini bildirgan.
