Moskva “Torpedo” jamoasi rahbariyati bosh murabbiy Oleg Kononovga shartnomani bekor qilish niyatida ekanligini ma’lum qildi. Bu haqida Euro-football.ru xabar berdi.
Klub tomonidan zarur hujjatlar tayyorlangan, ammo hozircha mutaxassis tomonidan imzolanmagan. Uning yaqin kunlarda hujjatlarni imzolashi kutilmoqda.
Kononov klubni tark etgach, “Torpedo” darhol uning o‘rnini egallashi mumkin bo‘lgan nomzodlar bilan muzokaralarga kirishadi. Oldinroq, jamoa bosh murabbiyi lavozimiga Voronejning “Fakel” jamoasini boshqargan Oleg Vasilenko asosiy nomzod sifatida ko‘rsatilgan edi.
Kononov boshchiligida “Torpedo” PARI Ligasi 2025/2026 mavsumining dastlabki to‘rtta o‘yinida faqat bitta ochko jamg‘argan. Jamoa rahbariyati yangi murabbiyni tez orada tayinlashni rejalashtirmoqda.
