Lyon jamoasining o‘ng qanot himoyachisi Einsli Meytland-Nayls faoliyatini Turkiyada davom ettirishi mumkin. Bu haqida Euro-football.ru xabar berdi.
Ingliz futbolchisi Galatasaray jamoasining transfer maqsadiga aylangan. Bu haqda RMC Sport xabar bermoqda.
Manbaning ma’lumotlariga ko‘ra, turk klubining rahbariyati futbolchining vakillari bilan o‘tish shartlari bo‘yicha muzokaralar olib borgan. Yaqin kunlarda Galatasaray rasmiy taklif bilan Lyon klubiga murojaat qiladi.
Meytland-Nayls o‘zi ham Turkiya chempionatida o‘ynashga qarshi emasligini bildirgan. O‘tgan mavsumda 27 yoshli himoyachi 44 o‘yinda maydonga tushib, bitta gol urgan va yetti golga uzatma bergan.
Transfermarkt ma’lumotlariga ko‘ra, futbolchining bozor qiymati 12 million yevroga teng. Ushbu transfer futbolchining faoliyatini yangi bosqichga olib chiqishi kutilmoqda.
