«Al Nassr» klubi hujumchisi va sardori Krishtianu Ronaldu «Al Hilol» ustidan qozonilgan g‘alabadan (3:1) so‘ng o‘z fikrlarini bildirdi.
Krishtianu Ronaldu dubl qayd etib, jamoasining 3:1 hisobidagi g‘alabasini ta’minladi. Ikki aniq zarba orqali portugaliyalik yulduz rasmiy uchrashuvlardagi gollari sonini 931 taga yetkazib oldi va bu mutlaq rekord hisoblanadi.
«Bu g‘alaba uchun jamoaviy sa’y-harakatlar juda muhim edi. Men uchun gol urish muhim, ammo g‘alaba qozonish bundan ham muhimroq. Saudiya Arabistoni chempionati va Chempionlar ligasida jamoaga yordam berish uchun astoydil harakat qilyapman. Men individual rekordlarga e’tibor bermayman, — dedi Ronaldu.
Ronaldu klublar miqyosidagi musobaqlarda jami 795 ta gol urgan va bu ko‘rsatkich ham rekord hisoblanadi. Shuningdek, xalqaro miqyosda raqiblar darvozasini 136 marotaba ishg‘ol qilgan Krishtianu terma jamoa uchun gol urishda ham rekordchi.
“An-Nasr” sardori joriy mavsumda jamoasining 34 ta uchrashuvida ishtirok etib, o‘z hisobiga 30 ta gol yozdirib qo‘ydi.
