"Al Nassr" safarda "Al Hilol"ni mag‘lub etdi. Ronalduni to‘xtatib bo‘lmayapti (video)
40 yoshli hujumchi Krishtianu Ronaldu professional faoliyatidagi gollari sonini mingtaga yetkazish orzusida tinimsiz to‘p kiritmoqda.
Saudiya Arabistoni chempionatining 26-turida Ronaldu o‘ynayotgan “An-Nasr” ashaddiy raqib – “Al-Hilol” mehmoni bo‘lib, irodali g‘alabaga erishdi.
Krishtianu Ronaldu dubl qayd etib, jamoasining 3:1 hisobidagi g‘alabasini ta’minladi. Ikki aniq zarba orqali portugaliyalik yulduz rasmiy uchrashuvlardagi gollari sonini 931 taga yetkazib oldi va bu mutlaq rekord hisoblanadi.
"Al Hilol" - "Al Nassr" 1:3
Gollar: Ali al-Bulayhi (62) - Ali al-Hassan (45+4), Krishtianu Ronaldu (47, 88-pen).
"Al Hilol": Yassin Bunu, Kalidu Kulibali, Ali al-Bulayhi, Renan Lodi (Moteb al-Harbi, 81), Hamad al-Yami (Yosir al-Shahroni, 64), Salim al-Davsari, Ruben Nevesh (Markus Leonardu, 64), Sergey Milinkovich-Savich, Muhammad Kanno (Nosir al-Davsari, 82), Aleksandar Mitrovich, Malkom.
"Al Nassr": Bento, Sulton al-Gannam, Ali Lajami (Aymerik Lyaport, 70), Muhammad Simakan, Salim al-Naji (Majid Qashish, 77), Marselo Brozovich, Ali al-Hassan, Ayman Yahyo (Otavio, 62), Krishtianu Ronaldu, Sadio Mane, Jon Duran.
Ogohlantirish: Ruben Nevesh (54).
Ronaldu klublar miqyosidagi musobaqlarda jami 795 ta gol urgan va bu ko‘rsatkich ham rekord hisoblanadi. Shuningdek, xalqaro miqyosda raqiblar darvozasini 136 marotaba ishg‘ol qilgan Krishtianu terma jamoa uchun gol urishda ham rekordchi.
“An-Nasr” sardori joriy mavsumda jamoasining 34 ta uchrashuvida ishtirok etib, o‘z hisobiga 30 ta gol yozdirib qo‘ydi.
Nodirbek
