Ruben Amorim: “Manchester Yunayted”ning tan oladigan haqiqati bor...
“Manchester Yunayted” jamoasining 2024/25 yilgi mavsumi — klubning so‘nggi yillardagi eng og‘ir davrlaridan biri bo‘lmoqda. Premer-ligadagi so‘nggi natijalar, muxlislar o‘rtasidagi turli munozaralar va tanqidlar fonida jamoa bosh murabbiyi Ruben Amorim o‘z fikrlari bilan omma oldiga chiqdi.
Portugaliyalik mutaxassis matbuotga bergan intervyusida jamoaning umumiy ahvolini tahlil qilib, to‘g‘ridan to‘g‘ri tan oldi:
“Men doim gapiraman — klub rahbariyatiga ham, futbolchilarga ham, muxlislarga ham. Bu jamoa ancha yaxshi bo‘lishi mumkin va kerak. Nima qilish kerakligini yaxshi bilaman, ammo bunga vaqt kerak. Barcha hamma narsa tezda to‘g‘rilashni xohlaydi, ammo bunday vaziyatlarda barqarorlikni tiklash uchun sabr zarur.”
Amorim jamoaning faoliyati davomida ko‘rsatayotgan natijalaridan ham uyalib, ochiq tan olishdan tortinmadi:
“Biz 25 o‘yinda atigi 6 marta g‘alaba qozondik — bu sharmandalik. Bu natijalar bizga xos emas. 'Yunayted' nomi bor jamoa bunday past natijalar bilan rozi bo‘lmasligi kerak.”
Murabbiy ushbu qiyinchiliklarni faqat o‘yin uslubi yoki taktika bilan bog‘lamadi:
“Bu muammo na faqat o‘yinda, na taktikada. Ba’zida ishonmaslik, mentalitetdagi muvozanat yo‘qligi, jamoaviy ruhdagi zaiflik natijalarga ta’sir qiladi. Bizning vazifamiz — buni to‘g‘rilash.”
Hozirgi kunda “Manchester Yunayted” APL jadvalida 16-pog‘onada joylashgan. Bu jamoaning an’anaviy maqsadlari — to‘rtlikka kirish, chempionlik uchun kurash, Yevropa maydonlarida munosib qatnashish kabi maqsadlaridan ancha uzoqda ekanini ko‘rsatadi.
Zamin.uz tahririyati “Manchester Yunayted” kabi tarixga ega klubning muvaffaqiyatsizlikka moyil holatdan chiqib, yangidan tiklanishiga ishonadi. Ruben Amorimga esa klub ruhiyatini qayta tiklash, futbolchilarni kuchli jamoaga aylantirish yo‘lida katta kuch va sabr tilab qoladi.
