Angliya kubogi finali “Manchester Siti” uchun mavsumni sovrin bilan yakunlashning oxirgi imkoniyati edi, ammo Pep Gvardiola shogirdlari “Kristal Pelas”ga 0:1 hisobida mag‘lub bo‘lib, bu imkoniyatni ham qo‘ldan chiqarishdi. Bellashuv taqdiri 16-daqiqada Eberechi Ezening zarbasi bilan hal bo‘ldi.
Uchrashuvdan so‘ng “Siti” bosh murabbiyi Gvardiola quyidagicha fikr bildirdi:
“Biz reja tuzdik, ammo u ish bermadi. Lekin men natijadan afsusda emasman. Undan ko‘ra, jamoamning kurashi va harakatidan mamnunman. Hujumda imkoniyatlar bo‘ldi, ammo raqib jarima maydonchasida juda zich himoya tuzgan, bu esa to‘p kiritishni ancha qiyinlashtirdi.”
Gvardiolaning so‘zlariga ko‘ra, jamoa endilikda Yevropa Chempionlar ligasiga yo‘l olish uchun keyingi o‘yinlarga jiddiy tayyorgarlik ko‘radi.
“Oldimizda finalga teng ikki uchrashuv bor. Biz ularga to‘liq tiklangan holda chiqishimiz kerak”, – dedi ispaniyalik mutaxassis.
Bu orqali “Kristal Pelas” o‘z tarixida ilk marta Angliya kubogini yutib, muhim natijaga erishdi. “Manchester Siti” esa tarixiy trebldan so‘ng mavsumni trofeysiz yakunlash xavfi ostonasida turibdi.
Zamin.uz tahririyati Gvardiola jamoasining keyingi uchrashuvlarda qanday reaksiya qaytarishini diqqat bilan kuzatadi. Sizcha, “Siti” o‘zini tiklab, Yevropa yo‘llanmasini qo‘lga kirita oladimi?
