Angliya kubogi finalida mag‘lub bo‘lgan Gvardiola o‘yin haqida nimalar dedi?
Angliya kubogi finali doirasida "Manchester Siti" sensatsion tarzda "Kristal Pelas"ga 0:1 hisobida mag‘lub bo‘ldi. Uchrashuvdan so‘ng "shaharliklar" ustozi Pep Gvardiola jurnalistlar savollariga javob berdi va jamoasining o‘yini haqida to‘xtalib o‘tdi.
— Biz barcha imkoniyatlardan foydalandik, o‘yinda ustun bo‘ldik. Hujumkor o‘yin namoyish etdik, ammo yakunda gol kirita olmadik. Futbolda esa bu eng muhim jihat, — dedi murabbiy.
Gvardiola o‘tgan mavsumdagi finalni ham eslab o‘tdi:
— O‘tgan yili "Manchester Yunayted"ga qarshi finalda bunchalik yaxshi o‘ynamagan edik. Bugun esa yigitlar jonkuyarlik ko‘rsatishdi. Bir nechta ajoyib vaziyatlar yaratdik, lekin oxirgi zarbada omad yo‘q bo‘ldi. Shunga qaramay, "Kristal Pelas"ni munosib g‘alaba bilan tabriklayman.
Ispaniyalik mutaxassisning ta’kidlashicha, o‘yindagi kurash va harakatlarga nisbatan e’tiroz yo‘q, ammo gol urilmagan paytda natija kutmaslik kerak.
— Ha, afsus, g‘alaba qo‘lga kirita olmadik. Ammo bu futbol, bunday holatlar uchrab turadi. Oldimizda yana imkoniyatlar bo‘ladi, — dedi Gvardiola.
Zamin.uz tahririyatidan:
"Manchester Siti"ning golsiz yakunlangan final uchrashuvi klub tarixidagi kamdan-kam holatlardan biri bo‘ldi. Bu mag‘lubiyat Pep Gvardiola shogirdlari uchun katta saboq va kelajak finallarga tayyorgarlikda tahlil qilinadigan asosiy nuqta bo‘lishi shubhasiz.
