Bavariya Voltemadeni Myuller o‘rniga sotib olmoqda
Bavariya jamoasi Stuttgartning hujumchisi Nik Voltemadening transferini yaqin vaqt ichida yakunlashni rejalashtirmoqda. Bu haqida Euro-football.ru xabar berdi.
Myunxen klubi 23 yoshli futbolchi bilan allaqachon kelishib olgan, biroq hozircha Stuttgart jamoasidan rasmiy rozilik olinmagan. Jurnalist Georg Xoltsnerning xabariga ko‘ra, Bavariya Voltemadeni faqat Garri Keynning o‘rnini bosuvchi sifatida emas, balki ketayotgan Tomas Myuller o‘rniga ham ko‘rmoqda.
Yuqori bo‘yli nemis hujumchisi nafaqat markaziy hujumchi, balki hujum ostida o‘ynash pozitsiyasida ham maydonga chiqishi mumkin. Myunxenliklar o‘zlarining yangi o‘yinchisini ko‘p qirrali sifatlari uchun yuqori baholamoqda. O‘tgan mavsumda Nik Voltemade Stuttgart safida 33 o‘yinda maydonga tushib, 17 ta gol urgan va uch marta assistentlik qilgan.
Hozirda davom etayotgan yoshlar Yevropa chempionatida esa u to‘rt o‘yinda olti gol urib, uch marta golga uzatma berib, jamoasining asosiy futbolchilaridan biri hisoblanadi. Bavariya uchun bu transfer jamoaning hujum liniyasini yanada kuchaytirish va kelajakda muhim o‘rin egallash imkoniyatini yaratadi.
Klub rahbariyati va murabbiylar shtabi Voltemadening maydondagi harakatlaridan katta umidda.
