Futbol agenti Paulu Barboza Portugaliya terma jamoasi va "Liverpul" klubi hujumchisi Diogu Jotaning halok bo‘lishi haqida fikr bildirdi. Bu haqida Euro-football.ru xabar berdi.
28 yoshli futbolchi avtokhalokatda vafot etdi. Barboza matbuotga bergan intervyusida, Portugaliyada katta motam e'lon qilinganini, bu katta yo‘qotish ekanini ta’kidladi.
Unga ko‘ra, Jota juda ko‘p odamlar tomonidan sevilar, u hech qachon yulduz kasalligiga chalinishmagan. Bu voqea juda dahshatli va achinarli.
O‘tgan mavsumda Diogu Jota "Liverpul" bilan Angliya Premer-ligasining chempioni bo‘lgan. Shuningdek, u Portugaliya milliy jamoasi safida Yevropa millatlar ligasida g‘oliblikni qo‘lga kiritgan.
So‘nggi mavsumda Jota Angliya Premer-ligasida 26 ta o‘yinda maydonga tushib, 6 ta gol urdi va 3 ta golga uzatma berdi. Uning halok bo‘lishi nafaqat oilasi va do‘stlari uchun, balki barcha futbol ixlosmandlari uchun katta qayg‘u bo‘ldi.
Jotaning sportdagi faoliyati va insoniy fazilatlari ko‘plarga namuna bo‘lib xizmat qilgan. Futbol olamida uning nomi doimo yodda qoladi.
