Londonning «Arsenal» klubi va «RB Leyptsig» jamoasi hujumchi Benyamin Sheshko transferi bo‘yicha kelishuvga erisha olmayapti. Bu haqida Euro-football.ru xabar berdi.
Sloveniya futbolchisi «kanonirlar» safiga o‘tishga rozilik bergan bo‘lsa-da, «qizil buqalar» futbolchini sotishdan 80 million yevrodan ko‘proq daromad olishni istamoqda. Bu esa «Arsenal»ga ma’qul kelmayapti.
London klubi 22 yoshli hujumchi uchun maksimal 70 million yevro taklif qilmoqda. «RB Leyptsig» klubida Sheshkoning ketishiga deyarli rozi bo‘lgan.
Jamoa Yevrokuboklarga chiqolmaganligi sababli, moliyaviy holatini yaxshilash uchun qimmatbaho futbolchilardan birini qo‘yib yuborishga majbur. «Arsenal» esa Bundesligadan kelgan klubning bu vaziyatidan yaxshi xabardor va ortiqcha to‘lov qilishni istamayapti.
Hozircha tomonlar ishonchli kelishuvga erisha olmayapti, shuning uchun transfer jarayoni sekinlashgan. Futbolchi va ikki klub orasidagi muzokaralar davom etmoqda.
Bunday holat futbolchining kelajagi va yangi jamoasidagi o‘rniga ta’sir ko‘rsatishi mumkin.
