Hujumchi Viktor Dyokeresh Yevropaning ko‘plab nufuzli klublari tomonidan qiziqish uyg‘otmoqda. Bu haqida Euro-football.ru xabar berdi.
Biroq, hozirgi vaziyat shuni ko‘rsatadiki, 27 yoshli shved futbolchisi "Arsenal" klubiga o‘tishga yaqin turibdi. Nemis Sky jurnalisti Florian Plettenbergning xabar berishicha, so‘nggi daqiqalarda Dyokeresh faqat "Arsenal"da o‘ynashni xohlayotganini yana bir bor bildirdi.
Hujumchining "kanonirlar" bilan besh yillik shartnoma bo‘yicha kelishuvga erishgani ma’lum. Futbolchi Londondagi jamoa bosh murabbiyi Mikel Artetaga bilan ham yaxshi suhbatlashdi.
Shuningdek, "Sporting" va "Arsenal" o‘rtasidagi muzokaralar davom etmoqda. Dyokeresh "Manchester Yunayted" variantini ko‘rib chiqmayapti.
Oldinroq "Arsenal" Dyokeresh uchun 65 million plus 15 million yevro taklif qilgani haqida ma’lumotlar tarqaldi, ammo "Sporting" biroz ko‘proq narxni talab qilmoqda. Shu bois, kelishuv yakunlanishi uchun tomonlar hali ham muzokaralarni davom ettirmoqda.
Futbolchining yangi jamoasiga o‘tishi yaqin kelajakda aniq bo‘lishi kutilmoqda.
