Hyoylunn «Manchester Yunayted»da qolishni xohlaydi
Hujumchi Rasmus Hyoylunn o‘zining kelajagi bo‘yicha qaror qabul qildi. Bu haqida Euro-football.ru xabar berdi.
Ijtimoiy tarmoqlarda taniqli insayder Fabrizio Romano ma’lum qilishicha, 22 yoshli daniyalik futbolchi «Manchester Yunayted» klubini tark etishni istamaydi. Romano ta’kidlaganidek, Hyoylunn transferi faqat klubning o‘zi tomonidan tashabbus ko‘rsatilganda amalga oshishi mumkin.
Shu bilan birga, «Inter» jamoasi Rasmusga qiziqish bildirayotgani qayd etilgan. Danimarkalik futbolchining «Manchester Yunayted» bilan amaldagi shartnomasi 2028 yil o‘rtalarigacha mo‘ljallangan.
Mashhur Transfermarkt portali Hyoylunni 35 million yevroga baholamoqda. «Manchester Yunayted» safida Rasmus Hyoylunn 95 ta o‘yinda maydonga tushib, 26 ta gol urdi va 6 ta golli uzatmani amalga oshirdi.
Uning jamoaga qo‘shgan hissasi sezilarli bo‘lib, kelajakda ham jamoa uchun muhim futbolchi bo‘lib qolishi kutilmoqda.
