«Arsenal» jamoasi hujumchi Viktor Dyokereshni sotib olishga katta qiziqish bildirmoqda. Bu haqida Euro-football.ru xabar berdi.
Klubning sport direktori Andrea Berta Portugaliyaga borib, «Sporting» klubi vakillari bilan muzokaralar olib bordi. Bu haqda BBC sayti xabar berdi.
Ma’lum qilinishicha, kelishuv yaqinlashmoqda va uning qiymati taxminan 70 million funt sterling, ya’ni 81 million yevroga teng bo‘lishi mumkin. O‘tgan mavsum davomida «Arsenal» hujum chizig‘ida kadrlar yetishmovchiligi bilan yuzlashgan edi.
Hujumda hatto markaziy yarimhimoyachi sifatida hisoblangan Mikel Merino o‘ynashga majbur bo‘lgan. 27 yoshli Viktor Dyokeresh o‘tgan mavsumda 52 o‘yinda maydonga tushib, 54 ta gol urishga muvaffaq bo‘ldi.
Uning yuqori o‘yin ko‘rsatkichlari «Arsenal»ning hujumdagi muammolarini bartaraf etish uchun muhim omil hisoblanadi. Klub rahbariyati ushbu transferni tez orada yakunlashga intilmoqda.
