Londonning «Arsenal» klubi RB Leyptsig jamoasining hujumchisi Benyamin Sheshko uchun kurashdan chiqib ketdi. Bu haqida Euro-football.ru xabar berdi.
«Kanonirlar» endi Lissabonning «Sporting» klubidan Viktor Dyokereshga e'tibor qaratishga qaror qildi. Shvetsiyalik futbolchi bilan allaqachon kelishuvga erishilgan.
Jurnalist Migel Dileyining ma’lumotiga ko‘ra, «Arsenal» RB Leyptsigdan norozi bo‘lib, Sheshkoga bo‘lgan qiziqishini to‘xtatdi. Klublar o‘rtasida yaxshi munosabatlar bo‘lsa-da, Leyptsig rahbariyati o‘z narxidan – 90 million yevrodan oshiqroq narx so‘rab, muzokaralarda qattiqqo‘llik qilgani London jamoasini norozilikka olib keldi.
Benyamin Sheshko bir yil oldin «Arsenal»ga o‘tishi mumkin edi, ammo u o‘z rivoji uchun Leyptsigda yana bir mavsum qolishni afzal ko‘rdi. «Kanonirlar» rahbariyati esa nemis klubi hujumchining narxini sezilarli darajada oshirganini kutmagan edi, ayniqsa jamoaning Yevrokuboklarda ishtirok etmasligi hisobga olinganda.
Shu sababli «Arsenal» Sheshko transferidan voz kechdi va boshqa variantlarga e’tibor qaratmoqda.
