“Chelsi” jamoasining bosh murabbiyi Enzo Mareska hujumchi Joao Pedro transferidan oldin Roberto de Dzerbi bilan qanday bog‘langanini gapirib berdi. Bu haqida Euro-football.ru xabar berdi.
London klubi braziliyalik futbolchini “Brayton”dan sotib oldi. “Chaykalar” safida o‘ynagan paytda hujumchi de Dzerbi rahbarligida faoliyat yuritgan, biroq u o‘tgan yili “Marsel”ga ko‘chib o‘tgan edi.
Mareska Joao Pedro jamoaga qo‘shilishidan oldin o‘z vatandoshi bilan telefon orqali suhbatlashganini tan oldi. U jurnalist Ben Jeykobslarga bergan intervyusida, Joao Pedro haqidagi barcha ma’lumotlarga ega ekanligini, uni haqiqiy braziliyalik futbolchi deb bilishini, u o‘yinni quvonch bilan o‘ynashini ta’kidladi.
Shuningdek, Mareska do‘sti Roberto de Dzerbi bilan bu futbolchi haqida suhbatlashganini aytdi. Seshanba kuni Joao Pedro ikki gol urib, “Chelsi”ga Jahon klub chempionati yarim finalida “Fluminense” ustidan 2:0 hisobida g‘alaba qozonishda yordam berdi.
