«Barselona» jamoasining bosh murabbiyi Hans-Diter Flik va klub prezidenti Joan Laporta «Manchester Yunayted» klubi hujumchisi Markus Reshfordning vakili Pini Zaxavi bilan uchrashuv o‘tkazdi. Bu haqida Euro-football.ru xabar berdi.
Uchrashuv Barselona shahrida bo‘lib o‘tdi va unda ingliz futbolchisining «ko‘k-qizil» jamoaga o‘tishi masalasi muhokama qilindi. Shuningdek, yarim himoyachi Frenki de Yongning shartnomasini uzaytirish haqida ham gap borishi ma’lum qilindi.
Zaxavi aynan shu futbolchilarni vakillik qiladi. Ayni paytda mish-mishlarga ko‘ra, Markus Reshford «Barselona»ga o‘tishni xohlamoqda.
«Manchester Yunayted» esa futbolchi uchun taxminan 40 million yevro so‘ramoqda. O‘tgan mavsumning ikkinchi yarmida 27 yoshli futbolchi ijarada «Aston Villa» safida o‘ynagan.
Ushbu uchrashuv klub rahbariyati va futbolchi vakili o‘rtasida kelajakdagi transfer va shartnoma masalalarini hal qilishga qaratilgan.
