Sobiq italiyalik futbolchi Jyuzepp Rossi “Nyu-York Kosmos” klubining vitse-prezidenti etib tayinlandi. Bu haqida Euro-football.ru xabar berdi.
Amerika klubining matbuot xizmati unga qayta jon berilayotganini ma’lum qildi. Bu klub 1970-yillarda mashhur bo‘lgan brend hisoblanadi.
O‘sha davrda klub safida dunyoga mashhur futbolchilar, xususan Pele va Frans Bekkenbauer o‘ynagan. 1970 yildan 1984 yilgacha “Kosmos” Shimoliy Amerika chempionatida kamida yetti marta chempionlikni qo‘lga kiritgan.
Yaqinda klubni qayta tiklashga urinishlar bo‘lgan, ammo 2020 yilda bu harakat muvaffaqiyatsizlikka uchragan. Hozirgi vaqtda esa vaziyat ancha jiddiy ko‘rinadi.
Hozirda “Kosmos” Shimoliy Amerika chempionatining kuch jihatidan uchinchi ligasida ishtirok etadi. Klubning yangi davri boshlanishi sifatida bu safar muvaffaqiyatga erishishiga umid qilinmoqda.
