Ronaldu keyingi mavsum o‘yinlarining choragini o‘tkazishi mumkin
40 yoshli markaziy hujumchi Krishtianu Ronalduning keyingi mavsumda Saudiya Arabistonining "Al-Nasr" jamoasi tarkibidagi o‘yinlarning taxminan 25 foizidan qatnashmasligi mumkinligi haqida jurnalist Faloh Al-Qahtani ma’lumot berdi. Bu haqida Euro-football.ru xabar berdi.
Tajribali hujumchi jamoaning yangi bosh murabbiyi Jorje Jezush bilan suhbatlashdi. Suhbat davomida tomonlar futbolchining yoshi sababli unga qo‘shimcha dam olish vaqti berilishi haqida kelishib oldi.
Shuning uchun Ronaldo kam ahamiyatga ega o‘yinlarda maydonga tushmasligi rejalashtirilmoqda, bu esa uning charchashining oldini olishga qaratilgan. O‘tgan mavsumda Krishtianu Saudiya chempionatida 30 ta o‘yinda ishtirok etib, 25 ta gol urdi va 3 ta assist amalga oshirdi.
Uning jamoa bilan tuzgan shartnomasi 2027 yil yozigacha amal qiladi.
